Yakap

Itong tula ay gawa ni Jose sa kanyang mahal na asawang si Maria sa kanyang liham.

Palagi kitang hinahanap hanap

Sa gabi unan at kumot na lang ang kayakap

Ikaw ang palagi kong inisip

Sa bawat gabi ng aking panaginip

Higpit ng iyong mga yakap

Ngayon di ko na mahagilap

Sa bawat gabing malamig

Nasan na ang dating iniibig

Patawad at ako ay lumisan

Alam mo naman na ito ay kailangan

Para sa ating mga anak

At para sa buhay na payak

Ilang taon lang naman ang titiisin

At pangakong aking kakayanin

Kahit unan at kumot lang ang kayakap

Hinding hindi ako’y sa iba maghahanap